EL3SOooOooOL
فرحانين اوى انك معانا على منتدى العسول ان تكون واحد مننا ومن اسرتنا
ارجوان تسجل من هنا
EL3SOooOooOL
فرحانين اوى انك معانا على منتدى العسول ان تكون واحد مننا ومن اسرتنا
ارجوان تسجل من هنا
EL3SOooOooOL
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

EL3SOooOooOL

العسوووووووول جامد جدااااااااا
 
الرئيسيةأحدث الصورالتسجيلدخول

 

 مشـرف منتـدى راح يتجوز

اذهب الى الأسفل 
5 مشترك
كاتب الموضوعرسالة
aly_gaafar
نائب المدير
نائب المدير
aly_gaafar



مشـرف منتـدى راح يتجوز Empty
مُساهمةموضوع: مشـرف منتـدى راح يتجوز   مشـرف منتـدى راح يتجوز Icon_minitimeالإثنين نوفمبر 16, 2009 2:51 pm

طبعــــاااااا مش محتــــاج ان اقولكم استبدلو كلمـة المشرف ببـال ديفيـــل :d

كان المشرف مرتبط بموعد مع العروس وأهلها
ليتقدم إليها ولكنه لم يشأ إغلاق المنتدى لمدة ساعة هى مدة اللقاء
مع الأهل فأخذ اللابتوب معه وشحنه على آخره وتابع الردود على
الأعضاء فى صفحة الشكاوى وهو فى طريقة للمنزل راكبا التاكسى

بمجرد وصوله إلى العروس سأل عن أقرب فيشة كهرباء لأن الشحن شارف
على الإنتهاء
والد العروس: أهلا يابنى .......إزيك !!
المشرف(وهو مشغول بلوحة مفاتيح اللابتوب): أهلا بيك يا عمى .....
أنا يشرفنى إنى أطلب إيد بنتك مها .....موافق ولا لأ؟!!!!
تبادل كلا من والد العروس ووالدتها وأخيها نظرات الدهشة
والد العروس(مستغربا): حضرتك بتكلمنى ولا بتكلم حد على الإنترنت
المشرف(مازال منشغلا بلوحة المفاتيح): لا يا عمى أنا بكلمك إنت هو معقولة
أتكلم مع حد غيرك وأنا قدام حضرتك!!!
والدة العروس: طب يابنى طالما بتكلمنا بصلنا طيب
المشرف(لم يرفع عينه ويديه من على جهازه):ليه يا حاجة هو أنا هتكلم بعينى ولا ببقى؟!!!!
إقترب الولد الصغير(8 سنوات) من العريس مبهورا بالابتوب(الجهاز المحمول) وهو يقول
الصبى: عمو .....هو الجهاز دة فيه ألعاب كتير زى الأتارى الى عندى؟!!
العريس(مازال منشغلا بجهازه): أيوة يا حبيبى وأحلى من الى عندك كمان
الصبى: طيب ممكن ألعب شوية .....عشان خاطرى يا عمو
هنا فقط رفع العريس عينه من على جهازه لأول مرة وتوقف عن الكتابة
وهو يوشوش فى أذن الصبى
العريس: لو خليت أبوك يوافق عليا هلعبك كتير قوى
طار الصبى فرحا وهو يقول
بابا بابا أنا موافق إن عمو يتجوز أختى الكبيرة أبلة مها!!!!!!
ثم إلتفت إلى العريس وهو يقول
ألف مبروك يا عمو!
الوالد(صارخا): أمشى ياد خش ذاكر ..... مبقاش إلا إنت يا أبو ريالة الى هتوافق ومتوافقشى
مشى الولد باكيا ولم يهتم به العريس وقد عاد إلى جهازه منشغلا
الوالد: إنت يا حبيبى إنت كمان .....إنت إيه حكايتك ؟
العريس: حكاية إيه يا عمى .....أنا معنديش حكايات إنت عندك؟!!!
الوالد(بضجر): إنت جاى تهزر
لم يعره العريس أى إهتمام وقد ظهر مشغولا بموضوع ما على جهازه
فإقتربت الأم من الوالد وتكلمت هامستا
الأم: إلا قولى يا حاج .....هو الجدع دة بيعمل إيه على البتاع الى معاه دة ....
.وإزاى بيكلمنا وهو بيحرك إديه الإثنين على الزراير دى كلها؟
الوالد: والله معرفشى يا تفيدة..... يظهر والله أعلم إنه بيكتب الكلام الى
بيقوله لنا فيطلع من بقه!!!!!!!
الأم: يا ندامتى !!!.....معقولة دى يا حاج ؟!!
الأب: طبعا يا تفيدة معقولة ماهو إحنا فى عصر التكنولوبيا!!!
إنتى مش شفتى إزاى كان ملهوف على أى فيشة كهربا أول ما جيه لأن
الشحن بتاع الكلام بتاعه كان هيخلص!
الأم: يا خويا الى يعيش ياما يشوف!!!
على كدة يا حاج لو النور قطع هيبقى أخرس؟!!!!
الأم: طب يا خويا لازم لو وافقت عليه نشترى للبت كرتونة حجارة قلم
عشان تبقى عاملة حسابها فى أى وقت!!!
الأب(صارخا): هو أنا معقولة أوافق على الآلة دى .....ليه من قلة الرجالة يعنى
العريس: حضرتك بتكلمنى يا عمى
الأب: لأ يا حبيبى أنا بكلم تفيدة
العريس: تفيدة مين ؟
دخلت العروسة فى هذه اللحظة مكسوفة وهى تنظر إلى الأرض
وبيدها أكواب العصير ولكنها لم تلاحظ فيشة الكهرباء فإنقلبت
على وجهها أرضا وإنفصلت الفيشة
العريس(صارخا): إيه الى هببتيه دة .....إنتى إزاى تفصلى الجهاز!!
الأم(بصوت خافت): يا حلاوة .....أهو بيتكلم من غير كهربا أهو يا حاج
الأب(بصوت خافت): ماهو كان شحن على الآخر يا تفيدة .....افهمى بقى
ثم إلتفت إلى العريس قائلا
الوالد: إيه يابنى قلة الذوق دى إنت بتصرخ فى عروستك وإنت جاى تتقدملها؟!!
دة بدل ما تساعدها إنها تقوم وتودها بكلمتين بعد ما فيشتك الهباب دى وقعتها
العريس: يعنى أساعدها تقوم ولا ألحق أشغل الجهاز عشان المنتدى ما يتعطلشى؟!!
الأب: دة جيل إيه دة.....هو جاى لينا منين دة!
العروسة: من النت يا بابا.....من النت
الأم: الله يقطع النت والى شغالين فى النت !
يا رب تيجى عاصفة تسومانى على النت والى فيه!!!!!
الأب:ممكن بقى يابنى تقفل المخروب دة وتكلمنا شوية
العريس: خلاص يا عمى المساعد بتاعى جه بدالى دلوقتى
إلتفت الجميع حولهم يبحثون عن ذلك المساعد فضحك الموديراتور
العريس (ضاحكا): لأ يا جماعة أنا اقصد إن المساعد بتاعى أخذ مكانى
فى الشغل دلوقتى يعنى أنا دلوقتى جاهز لأى إستفسار لمدة ربع ساعة
الأب: لا حول ولا قوة إلا بالله .....طيب يابنى طالما مش فاضى ليه حددت المعاد دة
مش كنت تحدد معاد تكون فاضى فيه
العريس: يا عمى خير البر عاجله
الأب: طيب..... إحنا لسة متعرفناش بإسمك ولا شغلتك
ولا سنك ولا شهادتك ولا أى حاجة خالص!
العريس: أنا اسمى موديراتور ...دة الإسم المستعار!
قامت الأم تحوم حول العريس وتنظر إلى يديه تبحث عن شىء ما ثم مسكت
يده فجأة وهى تقول
الأم :ممكن تشمر إيدك يا عريس الهنا‍
العريس(وهو يشمر): ليه ياحاجة إنتى هطعمينى!!! أنا إطعمت قبل ما آجى عندكوا ‍‍‍‍‍
الأب:ليه قالولك إننا عندنا كوليرا !!!
العريس: لأ يا عمى أصل أنا قاعد ليل نهار فى غرفتى المكيفة
الصحية فلما بروح أى داهية تانية لازم أطعّم
الأب(بصوت منخفض): داهية لما تخدك يا شيخ!!!

صرخت الأم( وهى تمسك بيده اليمين وترفعها عاليا): يعنى مافيش صليب
إمال إيه موديراتور دة؟ إنت يهودى؟‍‍‍‍‍‍‍‍‍!!!!
ضحكت العروسة وهى تقول: لا يا ماما دة النيك نيم بتاعه
الأم: ال إيه يا ضنايا؟‍‍!
العريس: خلاص يا جماعة .....أنا إسمى سعيد وعندى 25 سنة يعنى تأبيدة‍‍‍!!!
معايا شهادات كتيرة لو قلتها لكم كلها يبقى هنقعد يومين فبلاش أحسن
وشغلتى مشرف عام على منتدى الفقر حشمة
نظر الأب إلى المشرف وملابسه البسيطة غير المتناسقة وهو يقول
سيماهم على وجوههم‍‍‍‍!!!‍‍‍‍
العروسة(مبتسمة): بجد إنت المشرف بتاع الفقر حشمة .....
ده أنا مشتركة فيه من 5 شهور
العريس: ما شاء الله....بس إنتى مش ملتزمة بقوانين المنتدى
ولابسة كويس وعايشة فى عيشة آخر أبهة
العروسة: أنا عملت كدة عشان عارفة إن فيه عريس جاى يخطبنى
الأب: إنت يابنى عاوزها تلبس إيه .....هدوم مقطعة
العريس: لا يا عمى خلاص مش مهم لما أبقى أتجوزها أبقى أقطع لها هدومها‍‍‍‍‍‍!
الأب: ومين قالك إنى وافقت عليك أصلا
العروسة: ومتوافقشى ليه يا بابا دة حتى الموديراتور أكيد هيخلينى مميزة فى المنتدى
مش كدة برضه يا موديراتور
العريس: طبعا وهعينك معانا من المشرفين على قسم لوحدك
العروسة(بسعادة): بجد..... هتعينى مشرفة على قسم لوحدى
العريس: طبعا وهديكى أسهل وأحسن قسم فى المنتدى
العروسة(فرحانة): هييييه .....هتدينى قسم إيه ؟
العريس: الشكاوى!!!
العروسة (صارخة): لا أرجوك .....كله إلا الشكاوى
هز العريس كتفيه وهو يقول
العريس:خلاص نفتح قسم للوفيات وأعينك مشرفة عليه
الأب: يا ترى خلصتوا ولا لسة
نظر العريس فى ساعته وهو يقول: أنا فعلا وقتى قرب ينتهى
لأن المساعد بتاعى عنده ميعاد مهم ولازم أدخل مكانه
الأب: أنا مش موافق على الجوازة دى
العروسة: ليه يا بابا دة انا.....
قاطعها الأب صارخا : اخرصى يا بت إنتى وروحى ذاكرى لأخوكى
خرجت العروسة باكية غاضبة بينما إلتفت الأب إلى العريس قائلا
شوف يابنى .....لما تبقى تفضى للجواز إبقى تعالى إتجوز بنتى .....
لكن طول ما إنت فى الفقر حشمة دة مالكشى عرايس عندى
فاهمنى
العريس: خلاص يا عمى براحتك .....بس إذا كان منتدى الفقر حشمة
هو الى مزعلك أنا ممكن أسيبه
الأب(فرحا): بجد يابنى .....طيب سيبه هو فعلا الى مزعلنى
لو سيبته أنا هسيبلك بنتى بدون أى كلام
شكره العريس ثم جاء إليه فى اليوم التالى ومعه نفس اللابتوب وهو يقول
أنا سيبت الفقر حشمة من إمبارح وإشتركت فى منتدى تانى اسمه
اللاجئين
سقط الأب على الأرض ميتا وصرخت الأم وبكت العروسة وأخيها الصغير
بينما جلس العريس فى غرفة الصالون يتابع منتداه الجديد
تمت
الرجوع الى أعلى الصفحة اذهب الى الأسفل
islam
المدير وصاحب المنتدى
islam



مشـرف منتـدى راح يتجوز Empty
مُساهمةموضوع: رد: مشـرف منتـدى راح يتجوز   مشـرف منتـدى راح يتجوز Icon_minitimeالثلاثاء نوفمبر 17, 2009 6:07 am


ههههههههههههههههههههههههههههههههههههههههههه

مشـرف منتـدى راح يتجوز 264877 مشـرف منتـدى راح يتجوز 264877 مشـرف منتـدى راح يتجوز 264877

جامده قوى القصه دى يعلى تسلم ايدك
الرجوع الى أعلى الصفحة اذهب الى الأسفل
aly_gaafar
نائب المدير
نائب المدير
aly_gaafar



مشـرف منتـدى راح يتجوز Empty
مُساهمةموضوع: رد: مشـرف منتـدى راح يتجوز   مشـرف منتـدى راح يتجوز Icon_minitimeالثلاثاء نوفمبر 17, 2009 7:37 am

مرسى كتير
بس اوعه تعمل كده
الرجوع الى أعلى الصفحة اذهب الى الأسفل
سحر الأنوثة
مزيكاوى مشارك
مزيكاوى مشارك
سحر الأنوثة



مشـرف منتـدى راح يتجوز Empty
مُساهمةموضوع: رد: مشـرف منتـدى راح يتجوز   مشـرف منتـدى راح يتجوز Icon_minitimeالثلاثاء نوفمبر 17, 2009 12:45 pm

مشـرف منتـدى راح يتجوز Deeiaar-88b1bfc651




?,×aly_gaafar×?,







مشـرف منتـدى راح يتجوز Deeiaar-7e3df06d96




هههههههههههههههه

ضحكت من قلب صرآآحه،،

سلمت أنآآملك ع هذا الطرح،،

دمتَ بود


تحياتي وأشواقي القلبية[/cen
ter]



[center]مشـرف منتـدى راح يتجوز Deeiaar-88b1bfc651
الرجوع الى أعلى الصفحة اذهب الى الأسفل
islam
المدير وصاحب المنتدى
islam



مشـرف منتـدى راح يتجوز Empty
مُساهمةموضوع: رد: مشـرف منتـدى راح يتجوز   مشـرف منتـدى راح يتجوز Icon_minitimeالثلاثاء نوفمبر 17, 2009 1:43 pm


بس دا يعلى موديراتوريعنى مشرف زيك
لاكن انا ادمن يعنى ريس (مالك)
تفرق يعلى
ههههههههههههههههههههههههههههه
هههههههههههههههههههه
اكيد يعلى مش هعمل كدا عارف ليه
على شان معنديش لاب توب
هههههههههههههههههههه
هههههههههه


مشـرف منتـدى راح يتجوز 264877
الرجوع الى أعلى الصفحة اذهب الى الأسفل
hany
مزيكاوى متالق
مزيكاوى متالق
hany



مشـرف منتـدى راح يتجوز Empty
مُساهمةموضوع: رد: مشـرف منتـدى راح يتجوز   مشـرف منتـدى راح يتجوز Icon_minitimeالثلاثاء نوفمبر 17, 2009 7:45 pm

مشـرف منتـدى راح يتجوز 676695 مشـرف منتـدى راح يتجوز 676695 مشـرف منتـدى راح يتجوز 676695 ههههههههههههههههههههههههههه
الرجوع الى أعلى الصفحة اذهب الى الأسفل
salah el3sol
مزيكاوى نشيط
مزيكاوى نشيط
salah el3sol



مشـرف منتـدى راح يتجوز Empty
مُساهمةموضوع: رد: مشـرف منتـدى راح يتجوز   مشـرف منتـدى راح يتجوز Icon_minitimeالثلاثاء نوفمبر 17, 2009 8:36 pm

هههههههههههههههههههههههه
اصلى يا على
الرجوع الى أعلى الصفحة اذهب الى الأسفل
aly_gaafar
نائب المدير
نائب المدير
aly_gaafar



مشـرف منتـدى راح يتجوز Empty
مُساهمةموضوع: رد: مشـرف منتـدى راح يتجوز   مشـرف منتـدى راح يتجوز Icon_minitimeالثلاثاء نوفمبر 17, 2009 8:44 pm

بتضحك على ايه ياهانى يابارد
الرجوع الى أعلى الصفحة اذهب الى الأسفل
islam
المدير وصاحب المنتدى
islam



مشـرف منتـدى راح يتجوز Empty
مُساهمةموضوع: رد: مشـرف منتـدى راح يتجوز   مشـرف منتـدى راح يتجوز Icon_minitimeالأربعاء نوفمبر 18, 2009 12:26 am

هانى بيدحك بفترى
الرجوع الى أعلى الصفحة اذهب الى الأسفل
 
مشـرف منتـدى راح يتجوز
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
EL3SOooOooOL :: عســـــــول العام :: قسم الشعر والادب-
انتقل الى: